20 қыркүйектегі саудада доллар бағамы аздап қымбаттады

Қазақстан қор биржасында (KASE) 2024 жылғы 20 қыркүйекте сағат 15:30-да шетел валюталары бойынша күнделікті сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы 479,05 теңге (+0,13) болды.

Юаньнің орташа сараланған бағамы 67,93 теңгеге (+0,22) көтерілді.

Ақша айырбастау орындарында доллар 478,9-480,7 теңгеге, еуро 532-536 теңгеге, ресей рублі 5,11-5,23 теңгеге сатылуда.

Ал 20 қыркүйектегі аукционда әлемдік мұнай бағасы төмендеп жатыр.

Осылайша, ICE Futures электрондық саудасында қараша айындағы Brent фьючерстерінің құны 0,51%-ға арзандап, барреліне 74,50 долларды құрады.

NYMEX электронды саудасында WTI мұнайының қарашадағы фьючерстері 0,48%-ға төмендеп, барреліне 70,82 долларды құрады.

20 қыркүйек күні таңертең Ұлттық банк доллар бағамын 478,93 теңге, еуроны 534,96 теңге, рубльді 5,16 теңге деп бекітті.