Түркістан облысында Президент кортежі жүретін жолдың бойынан қару-жарақ табылды

Түркістан облысында Ішкі істер министрлігі, Ұлттық қауіпсіздік комитеті және Мемлекеттік күзет қызметінің қызметкерлері Қазақстан президенті Қасым-Жомарт Тоқаев кортежінің жүру бағытын тексеру кезінде оқ атылатын қару қоймасын анықтады, деп хабарлайды Zakon.kz.

Ішкі істер министрлігінің мәліметінше, бұл фактіге қатысты қылмыстық іс қозғалды.

"Қазіргі уақытта барлық мән-жайды анықтау және күдіктілерді ұстау үшін қажетті жедел іздестіру және тергеу шаралары жүргізіліп жатыр", - делінген хабарламада.

Тергеу мүддесі үшін қосымша ақпарат жарияланбады.