Солтүстік Қазақстанды қалың қар басып, жолдардағы жағдай ушықты

"Астана-Петропавл" автожолының 446 шақырымында фура жол жиегіне шығып, тұрып қалды. Полицейлер ауыр жүк көлігін сүйрей алатын көлікті тауып, қозғалыс қауіпсіздігін қамтамасыз етті, деп хабарлайды Zakon.kz.

Сондай-ақ, Петропавловск.news ақпараты бойынша, "Көкшетау – Рузаевка" автожолының 77-ші шақырымында, Антоновка ауылының маңында, электр қозғалтқышын тасымалдап жүрген газель жолдан шығып, бір бүйіріне аударылған.

Абырой болғанда, көлік жүргізушісі зардап шеккен жоқ. Тәртіп сақшылары жүк тиегіш пен манипуляторды табуға көмектесті. Көп ұзамай көлік сапарын жалғастыра алды.

Посмотреть эту публикацию в Instagram

Публикация от Новости Петропавловск.news (@pkzsk)

Бұған дейін Ақтөбеде қарлы боранда 65 жасар ер адам мал жаюға шығып, жоғалып кеткендігі хабарланған болатын.