Астанадағы LRT станциялары жер астынан да өтетін болады
Фото: primeminister.kz
Ең алдымен компания LRT станцияларының негізгі құрылыстары аяқталғанын мәлімдеді.
"LRT желісі станцияларының темірбетонды негізгі құрылыстары 100% аяқталды. Жұмыстар аясында монолитті қаңқалар, көтергіш арқалықтар, платформалардың темірбетонды конструкциялары, ригельдер және басқа да элементтер салынды. Бұл үшін В45 маркалы 79 971 текше метр бетон мен 9,59 мың тонна арматура қолданылды",- делінген ақпаратта.
Сонымен қатар, LRT желісі көп деңгейлі залдары мен платформалары бар 18 станциядан тұратындығы, олар екі түрге бөлінетіндігі: жердегі (11 станция) және жер үсті (7 станция) атап өтілді.
Жер үсті станцияларының ерекшеліктері:
Сығанақ көшесінде (2 станция), Ш. Қалдаяқов көшесінде (4 станция) және "Нұрлы жол" теміржол вокзалы ауданында (1 станция) орналасқан станциялар жолға орталықтандырылған орналасуымен ерекшеленеді. Станцияларға қауіпсіз кіру үшін жерүстінен өтетін екі өткел қарастырылған. Барлығы – 14 өткел.
"Биылғы жылы № 101 станциясының (100% дайын) қасбет жұмыстары аяқталды, оған 497,51 тонна металл конструкцияларын орнату және сыртқы панельдер мен витраждарды қаптау (4 765 м²) кіреді. № 109 және № 112 станцияларында 1 210,22 тонна металл конструкциялары орнатылды",- деп толықтырды компания.
2025 жылы барлық станциялардың құрылысы толығымен аяқталады деп жоспарланды. Оның ішінде:-
- қасбеттердің монтажы,
- жерүстінен өтетін өткелдердің құрылысы,
- ішкі әрлеу жұмыстары,
- жақын аумақтарды абаттандыру.
Бұған дейін Атырауда қасапшыдан сібір жарасы расталғаны хабарланған болатын.
