Елордада бір тәулікте 7 мың текше метрден астам қар шығарылды

6 желтоқсанда Астанада қар қалың жауып, елорданың коммуналдық қызметтері қаладан 7 мың текше метрден астам қар шығарды, деп хабарлайды Zakon.kz.

Астана қаласы әкімдігінің мәліметінше, 6-ынан 7 желтоқсанға қараған түнгі ауысымда қала көшелерінен қар мен мұзды тазалауға 200-ден астам жол жұмысшысы мен 700-ден астам арнайы техника шықты. Осы күні қар полигондарына 598 ауыр жүк рейсімен 7 мың текше метрден астам қар шығарылды.

"Қыс мезгілінің басынан бері қаладан 66 822 рейспен 853 мың текше метр қар шығарылды. Ережеге сәйкес, ең алдымен, қалада кептеліс болмас үшін өте қарқынды қозғалыс учаскелері тазаланады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады. Орталық көшелерде, жолаушылар көлігі маршруттарында, аялдамалар мен тротуарларда тазалау басымдыққа ие". Астана қаласы әкімдігі

Елордада бірнеше жабдықталған қар полигоны жұмыс істейді. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылған, жарықтандыру қосылған.

Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарлардан бас тартуды сұрайды.