Спорт жаңалықтары 
Әлемдік опера жұлдызы Аида Гарифуллина Қазақстанда алғаш рет өнер көрсетті
Сурет: Konokbaev Group
Оның концерті қазақстандық жанкүйерлер үшін көптен күткен сыйлық қана емес, нағыз музыка мерекесі болды.
Аида Өзбекстанның халық әртісі Рамиз Усманов пен қазақ баритоны Дулат Тоқановпен бірге өнер көрсетті. Сахнада әлемдік опера жауһарлары, оның ішінде Дж.Верди, Дж.Бизе, Дж.Пуччини, Ф.Легар және Э.Де Кертис шығармалары, сондай-ақ П.И. Чайковский "Евгений Онегин" операсының ариялары орындалды. Т.Әбдірашев атындағы мемлекеттік академиялық симфониялық оркестрді осы кешке арнайы шақыртылған Александр Соловьев (Михайловский театры, Сант-Петербург) басқарды, ол көрермендерді өзінің энергетикасымен баурап алды.
Сурет: Konokbaev Group
Қазақстандық жанкүйерлер Аида Гарифуллинаның концертін көптен күтті. Оның есімі алғаш рет 2013 жылы, ұлы Пласидо Доминго негізін қалаған беделді Operalia байқауында жеңіске жеткен кезде таныла бастады. Дәл осы жеңіс оның әлемдік деңгейдегі карьерасының бастауы болды. Бір жылдан кейін опера аңызына айналған Пласибо Доминго онымен дуэт орындау үшін Қазанға барып, оның әлемдік сахнадағы мәртебесін асқақтата түсті.
"Өзім үшін әрбір концерт ерекше. Қазақстандық көрермендер жылы жүзді әрі қонақжай. Бұл елде жанкүйерлерім көп және мен оларды дүниежүзіндегі концерттерде жиі кездестіремін. Осы кешке аса қуанышпен дайындалдым және концерт үшін мұнда әр елден, қаладан адамдардың ұшып келгені одан әрі қуанта түсті", - деді опера әншісі.
Сондай-ақ Дулат Тоқанов Almaty Theatre сахнасында қазақ шығармасы – Сыдық Мұхамеджановтың "Айсұлу" операсындағы Серкенің ариясын орындап, бағдарламаға ұлттық нақыш қосты.
Сурет: Konokbaev Group
"Қуана-қуана қазақша ән айтар едім, өйткені ол татар тіліне өте ұқсас қой. Менің ойымша, келесі концертке ерекше бір дүние қосуға болады", - деді Гарифуллина.
Сурет: Konokbaev Group
Аида Гарифуллина Мәскеудегі Үлкен театрда, Лондондағы Ковент-Гарден корольдік опера театрында, Миландағы Ла Скалада және Нью-Йорктегі Метрополитен-операда жарқырады. Аидағы Пласидо Доминго байқауындағы жеңісі Вена мемлекеттік операсының есігін айқара ашты. Ол Сочидегі Олимпиада ойындары мен Мәскеудегі футболдан әлем чемпионаты сияқты ауқымды шараларға қатысып, есімін әлемдік музыкалық таланттың синониміне айналдырды. Оның халықаралық жұлдыздармен, соның ішінде Робби Уильямспен бірге өнер көрсетуі оның жан-жақтылығы мен шеберлігін растай түседі.
