Қазақстанда доллар бағамы төмендей бастады

Қазақстан қор биржасында (KASE) 2025 жылдың 20 қаңтарында сағат 15:30-да шетел валюталары бойынша күндізгі сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы 0,23 теңгеге төмендеп, 529,99 теңге болды.

Таңғы сауданың қорытындысы бойынша юань бағамы 72,41 теңгеге (+0,25) дейін көтерілді.

Ақша айырбастау орындарында доллар 530,54-532,58 теңге, еуро 545,99-550,17 теңге, рубль 5,09-5,18 теңге аралығында сатылуда.

20 қаңтардағы сауда барысында әлемдік мұнай бағасы төмендеді. Brent маркалы мұнай фьючерстерінің бағасы барреліне 0,42%-ға арзандап, 80,45 долларды құрады. Америкалық West Texas Intermediate (WTI) мұнайы 0,39%-ға төмендеп, барреліне 77,09 долларды құрады.

Таңертең Ұлттық банк доллар бағамын 530,12 теңге, еуроны 546,08 теңге, рубльді 5,17 теңге деп белгіледі.