5 ақпандағы сауда-саттықта доллардың арзандауы жалғасуда

Қазақстан қор биржасында (KASE) 2025 жылғы 5 ақпанда сағат 15:30-да шетел валюталарымен күндізгі сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы тағы 4,14 теңгеге төмендеп, 515,97 теңге болды.

Қытай юанінің орташа бағамы 70,84 теңге болды.

Ақша айырбастау орындарында доллар 517,3-519,7 теңге, еуро 537,5-541,5 теңге, рубль 5,19-5,29 теңге аралығында сатылуда.

5 ақпандағы саудада мұнайдың әлемдік бағасы төмендеді.

Осылайша, ICE Futures электрондық саудасында сәуірдегі Brent фьючерстерінің құны 0,39%-ға арзандап, барреліне 75,90 долларды құрады.

NYMEX электронды саудасында WTI маркалы мұнайдың наурыздағы фьючерстері 0,30%-ға арзандап, барреліне 72,48 долларды құрады.

Ұлттық банк таңертең доллар бағамын 520,27 теңге, еуроны 537,65 теңге, рубльді 5,24 теңге деп белгіледі.