Астанада әуе рейстері кешігіп жатыр

Астанада ұшуға қолайсыз ауа райына байланысты әуе рейстері кешігіп жатыр. Бұл туралы Астана халықаралық әуежайы мәлімдеді, деп хабарлайды Zakon.kz.

Таратылған ақпаратқа сүйенсек, қазіргі уақытта ұшуға жоспарланған 84 рейстің 6-ы, әуе кемелерінің кеш келуіне байланысты, кейінге қалдырылды.

Ұшып келуге жоспарланған 86 рейстің 8-і дәл осы себеппен кешіктірілді.

Бұл ретте әуежайдың штаттық режимде жұмыс істеп тұрғандығы атап өтілді.

Ұшу қауіпсіздігін қамтамасыз ету мақсатында перрон мен ұшу-қону жолағын тазалау жұмыстары үнемі жүргізіледі. Әуеайлақтың үздіксіз жұмысын қамтамасыз ету үшін 23 дана мамандандырылған техника пайдаланылады.

Жолаушылар рейстердің күйін және кестедегі ықтимал өзгерістерді төмендегі жолдар арқылы тексере алады:

• Авиакомпаниялардан
• Әуежайдың ресми сайтынан: www.nn-airport.kz
• Тәулік бойы жұмыс істейтін әуежайдың байланыс орталығы бойынша: 8 (7172) 702-999

Бұған дейін Астананы қарлы боран басып қалғандығы хабарланған болатын.