Атырауда полиция 1,5 келі бекіре уылдырығын тасымалдаған күдіктіні ұстады

Атырау облысы ПД ұйымдасқан қылмысқа қарсы күрес басқармасының қызметкерлері "Браконьер" жедел-профилактикалық іс-шарасы кезінде заңсыз бекіре тұқымдас балығын тасымалдаған күдіктіні анықтап, ұстады.

Қала аумағында полицейлер күдік тудырған Lada Vesta автокөлігінің 63 жастағы жүргізушісін тоқтатқан. Тексеру барысында автокөлік салонынан 1,5 келі бекіре тұқымдас балығының уылдырығы анықталып, тәркіленді.

Күдіктіге қатысты пайдалануға тыйым салынған жануарларды, олардың бөліктерін немесе дериваттарын заңсыз қолға түсіру, иемдену, сақтау, өткізу, әкелу, әкету, жөнелту, тасымалдау немесе жою бойынша қылмыстық іс тіркеліп, сотқа дейінгі тергеп-тексеру жүргізіліп жатыр.

Өзге ақпарат тергеу мүддесіне сәйкес жариялануға жатпайды.