Спорт жаңалықтары 
Ұлттық құрылтай: Сарапшы алғашқы күні талқыланған өзекті мәселелерді атады
Сурет: senate.parlam.kz
Оның айтуынша, Президенттің ішкі саясат және коммуникациялар мәселелері жөніндегі көмекшісі Арман Қырықбаевтың өкілдік етумен өткен "Азаматтық қоғам" секциясында азаматтық қоғам институттарының мемлекеттік органдармен қарым-қатынасы, осы бағытта қандай өзекті проблемалар бар, соларды шешу жолдары сынды маңызды мәселелер талқыланды. Олардың көлемі жеткілікті және бәрі бұл ретте мәселелерді сыни тұрғыда қарастырып, өз ойларын ықшамдап жеткізуге тырысты.
"Мен де сөз алдым, сөйтіп Мәжілісте қоғамға қажетті заңдар қабылданып жатқанын баса атап өттім. Бүгіндері заң жобасының жұмысына деген көзқарас түбегейлі өзгерген, оған бұрынғыдан қарағанда әлдеқайда жауаппен қарайтын болды. Пленарлық отырыстар тікелей эфирде көрсетіліп, халық ондағы жұмыстың қалай жүріп-тұрып жатқандарын өз көздерімен көріп, қадағалай алатын болды", – деп жазды Башимов Facebook-тегі парақшасында.
Сонымен қатар, депутат Парламент қабылдаған заңдардың іске асыру мәселесіне баса назар аударды. Мысалы, адам саудасына қарсы іс-қимыл туралы заң қабылданды, енді жергілікті билік осы заңның іске асуына белсенді түрде ат салысуы тиіс.
"Қазір еңбек құлдығына, жыныстық және балаларды қанаушыларға, қайыр сұраушыларға, орган саудасымен айналысатындарға және тағы басқаларына кімдер "крышавать" ететінін барша жақсы біліп-байқап отыр". Марат Башимов
Өз сөзін қорытындылай келе, сарапшы осы реттегі маңызды заңның қажеттілігін Қасым-Жомарт Тоқаев Ұлттық қоғамдық сенім кеңесінің төртінші отырысында 2020 жылы 22 қазанда, яғни 4,5 жыл бұрын атап өткенін жеткізді.
Іс-шараның бірінші күнінде өткен секциялардың тақырыптары:
- Азаматтық қоғам;
- Мәдениет. Өнер. Руханият;
- Білім және ғылым;
- Әлеуметтік-экономикалық даму.
Айта кетсек, Қазақстан Президенті 14 наурызда Бурабайда өтетін Ұлттық құрылтайдың IV отырысына қатысады. Ұлттық құрылтайдың алдыңғы отырыстары 2022 жылы Ұлытауда, 2023 жылы Түркістанда, 2024 жылы Атырауда өткен болатын.
