Алматыда 16 жастағы мопедші жол апатынан ауыр жарақат алды

18 наурызда Алматыда Папанин мен Енисей көшелерінің қиылысында мопед жүргізушісі жол апатына ұшырады, деп хабарлайды Zakon.kz.

Kia Rio көлігі Енисей көшесімен шығыс бағытта келе жатқан.

Сурет: Zakon.kz

Папанин көшесіне жақындаған кезде көлікті тізгіндеген қыз автобус жолағымен солтүстік бағытта жүріп бара жатқан мопедті байқамай қалған.

Сурет: Zakon.kz

Мопедші де көлікті аңғармай қалған.

Сурет: Zakon.kz

Куәгерлердің айтуынша, Kia-ның бүйіріне қатты соғылған жүргізуші көліктің жанына құлап кеткен, ал  мопед жігіттің үстіне құлаған.

Сурет: Zakon.kz

Осы кезде мопед жолаушысы көліктің төбесіне ұшып кеткен. Оны дәрігерлер қарап, үйіне жіберді.

Сурет: Zakon.kz

16 жастағы мопед жүргізушісі ғана ауыр жарақат алған. Ол №4 қалалық ауруханаға жатқызылды.

Сурет: Zakon.kz

Оқиға орнында жол полициясының қызметкерлері жұмыс істеп жатыр.

Сурет: Zakon.kz

Ауданда аздаған көлік кептелісі байқалады.