Астана маңындағы жол апаты: ҚФФ президенті қаза тапқан бапкердің отбасына көңіл айтты

ҚФФ президенті Астана маңындағы жол апатынан қаза тапқан бапкердің отбасына мен туыстарына көңіл айтты, деп хабарлайды Zakon.kz.

Қазақстан футбол федерациясының президенті Марат Омаров балалар футболының бапкері Әлібек Жүсіповтің жол апатына түсіп, мезгілсіз қайтыс болуына байланысты қайғырып, марқұмның отбасы мен туыстарына көңіл айту жеделхатын жолдады және Қазақстан футбол федерациясы тарапынан жан-жақты көмек көрсетіледі.

"Әлібек Жүсіпов балалар мен жасөспірімдер футболын дамытуға зор үлес қосты. Ол бапкерлік қызметінде талай жас футболшының жолын ашып, отандық футболға адал еңбек етті. Жақсы адам, білікті маман ретінде есімізде мәңгі сақталады. Марқұмның жаны жәннатта, жатқан жері жайлы болсын!", - делінген көңіл айту хатында.

Еске салайық, қайғылы оқиға Астана - Ерейментау - Шідерті тасжолында (Ақмола облысы) болды: 14-16 жас аралығындағы 16 бала мінген шағын автобус аударылып қалды.

Жүргізуші жүк көлігінен басып озбақ болған, бірақ тізгінге ие бола алмай қалған. Балалар Павлодардан Астанаға жарысқа бара жатқан.

Кейінірек павлодарлық жас футболшылардың жағдайы белгілі болды.