2016 жылдан бері іздеуде жүрген азамат Өскеменде ұшақтан түскен бойда ұсталды

ШҚО полицейлері 9 жылдан бері іздеуде жүрген қылмыскерді әуежайда ұстады, деп хабарлайды Zakon.kz.

Ұстау кадрларымен 2025 жылғы 21 сәуірде ШҚО ПД баспасөз қызметі бөлісті.

Посмотреть эту публикацию в Instagram

Публикация от Шығыс Сақшылары (@eastkazpolice)

"Шығыс Қазақстан облысының полицейлері 2016 жылдан бері іздеуде жүрген 38 жастағы азаматты әуежайда ұстады.Ол жалпы сомасы шамамен 5 миллион теңгені құрайтын алаяқтық жасаған деген күдікке ілінген",- делінген ақпаратта.

Қылмыстық іс материалдарына сәйкес, күдікті біреудің қаражатын сеніміне кіре отырып оған қиянат жасаумен иемденгені үшін іздестірілген.

"Осы жылдар ішінде ол әділ соттан жалтарып, тұрғылықты жерін жиі ауыстырып отырған және қоғамдық орындардан әдейі бой тасалап жүрген. Жедел-іздестіру іс-шаралары барысында полицейлер күдіктіні Өскемен қаласына ұшып келген сәтінде, ұшақтан түскен бойда ұстады.Қазіргі уақытта күдікті уақытша ұстау изоляторына қамалды. Тергеу амалдары жүргізілуде",- деп мәлімдеді ведомство.

Бұған дейін ең ірі зертханалар желісі қазақстандықтарға ескертумен жүгінгендігі хабарланған болатын.