Қазақстандық құтқарушыларға қару не үшін қажет - министрлік жауабы

2025 жылы 23 сәуірде Төтенше жағдайлар вице-министрі Рамиль Камалов Мәжіліс мінберінде ТЖМ-да әскери бөлімшенің не үшін құрылғанын түсіндірді, деп хабарлайды Zakon.kz.

Таяуда Төтенше жағдайлар министрлігінің әлеуметтік желілерінде "Айбат" бөлімшесінің шеруі көрсетілген бейне жарияланған болатын. Онда құтқарушылар автоматпен қаруланған, ал ведомство басшысы Шыңғыс Әрінов ірі калибрлі қарудан ату шеберлігін көрсеткен. Журналистер министрлікке мұндай әскери құрылым не үшін қажет екенін сұрады.

Посмотреть эту публикацию в Instagram

Публикация от Министерство по чрезвычайным ситуациям Республики Казахстан (@112kz_)

"Негізгі себеп – жүктерді тасымалдаудағы қауіпсіздікті қамтамасыз ету. Бұл бөлімшелер сондай-ақ төтенше жағдайлардың алдын алу мен салдарын жою кезінде қауіпсіздікті қамтамасыз етеді. Бізде бұған дейін қаңтар оқиғалары, Жаңаөзендегі тәртіпсіздіктер сияқты оқиғалар болды. Өзім 26 өрт болған кезде көмек көрсете алмаған сәтке куә болдым. Осындай кезде бізге қауіпсіздікпен бірге жүру қажет. Бұл бөлімше дәл осы мақсатта құрылған", – деді ол.

Вице-министрдің айтуынша, бұл азаматтық қорғаныс бөлімшелері әзірге пилоттық режимде құрылуда.

"Бірінші кезекте – жүктің қауіпсіздігін қамтамасыз ету. Екіншіден, жергілікті тәртіпсіздіктер кезінде, құқық қорғау органдарымен бірлесіп әрекет ететін боламыз. Өз бөлімшеміз болған жағдайда, біз төтенше жағдайлармен сенімді күресе аламыз", – деді Камалов.

Бұған дейін Қарағанды сотының қауіпті қылмыстық топқа үкім шығарғандығы хабарланған болатын.