Алматы қалалық ТЖД мегаполис тұрғындары мен демалушыларына үндеу жасады

Алматы қалалық Төтенше жағдайлар департаменті 2025 жылғы 25 сәуірде тауда уақыт өткізуді ұнататын жергілікті тұрғындар мен демалушыларға үндеу жасады, деп хабарлайды Zakon.kz.

Ведомство ақпаратты "Қазгидромет" РМК-ның дауылды ескертуін негізге ала отырып мәлімдеді. Онда 25 сәуір мен 2 мамыр аралығында, қар жамылғысының тұрақсыздығына байланысты 2700 метр биіктіктен жоғары аумақта "қар көшкіні" қауіпі сақталатындығын айтты.

Осыған байланысты келесілерді ескертті:

• қарлы тік жартастарға шықпауды;
• таулы аумақтарда қауіпсіздік шараларын сақтауды.

Бұған дейін Алматыда күн қайта ысып, ауа температурасы көтерілетіндігі хабарланған болатын.