"Құмар Ақсақалов" өзіне қауіп төніп тұрғаны жайлы мәлімдеді: әкімдік жағдайға түсініктеме берді

Мессенджерлерде Қостанай облысының әкімі бейнеленген жалған видео таратылуда. Онда облыс әкіміне қауіп төніп тұрғаны жөнінде айтылған-мыс, деп хабарлайды Zakon.kz.

Әкімдік ақпаратына сүйенсек, аталған видео жасанды интеллект көмегімен жасалған.

"Бұл жалған ақпаратты тарату фактісі бойынша Қостанай облысы әкімдігі құқық қорғау органдарына ресми түрде өтініш жолдады. Зиянкестер анықталып, қолданыстағы заңнамаға сәйкес жауапкершілікке тартылады". Қостанай облысы әкімінің баспасөз қызметі

Сондай-ақ, әкімдік азаматтарды жалған ақпарат таратқаны үшін заң алдында жауап беретінін ескертті және ақпаратты тек ресми дереккөздерден тексеруге шақырды.

Бұған дейін СҚО әкімінің жасанды интеллект көмегімен жасалған жалған сұхбаты тараған болатын.