Қазақстанда мал дәрігерлеріне үстемақы төленуі мүмкін

Елімізде мал дәрігерлеріне ай сайын жалақыдан бөлек үстемақы төленбек. Ветеринариялық бақылау комитетінің төрағасы депутаттардың бастамасымен заңға өзгеріс әзірленіп жатқанын айтты.

Қазір мал дәрігерлерінің орташа жалақысы 220 мың теңге. Салада кадр жетіспеушілігі бар. Ел көлемінде 370-ке жуық мал дәрігері қажет.

Жұмыс істеп жатқан ветеринарлардың орташа жасы 60-тан асып кеткен. Бірнеше жылда ветеринарлардың тапшылығы ауыл шаруашылығына үлкен соққы болуы мүмкін, деп жазады qazaqstan.tv.

Ал жастар бұл мамандықты грант үшін ғана таңдайды деген ведомство өкілдері салаға маман тартудың жаңа тетіктерін қарастырып жатқанын айтты.

"Біздің қосымша ветеринарлық дәрігерлерге үстемақы белгілеу жөнінде ұсынысымыз бар. Тиісті қаражатты сұрау жөнінде Қаржы министрлігіне өз ұсынысымызды бердік. Биыл үшінші жыл биологиялық қауіпсіздік туралы заңға сәйкес бірінші және екінші потогендікпен жұмыс істейтін мамандарға жыл сайын республикадан 10 млрд-қа жуық қаражат бөлінеді осы үстемақыға." Қазбек Тәшімов, ҚР АШМ Ветеринариялық бақылау және қадағалау комитетінің төрағасы