Қазақстандық оқушылар Балқан өңірінің үздік математиктерінің үштігіне кірді

22 елдің балалары қатысқан BMO халықаралық Балкан математикалық олимпиадасында қазақстандық мектеп оқушылары тамаша өнер көрсетті, деп хабарлайды Zakon.kz.

Сараево қаласында (Босния және Герцеговина) 22 елдің оқушылары қатысқан Балқан халықаралық математикалық олимпиадасы (BMO) аяқталды. Қазақстандық оқушылар ел қоржынына үш күміс және үш қола медаль салып, 100% көрсеткіш көрсетті.

Қазақстан құрамасы жалпы алты жүлде иеленді:

Күміс жүлде иегерлері:

• Амир Сахипов — Алматы қаласындағы РФММ-нің 11-сынып оқушысы;

• Марғұлан Шарел — Астана қаласындағы Spectrum мектебінің 11-сынып оқушысы;

• Элдар Үсенов — Алматы қаласындағы Назарбаев зияткерлік мектебінің 10-сынып оқушысы.

Қола медаль иегерлері:

• Дамир Нұрланов — Ақтау қаласындағы Назарбаев зияткерлік мектебінің 12-сынып оқушысы;

• Әмірлан Аманжолов — Алматы қаласындағы Haileybury мектебінің 11-сынып оқушысы;

• Бердібек Орынбасар — Атырау облысындағы №1 "Білім-инновация" лицейінің 10-сынып оқушысы.

"BMO олимпиадасына қатысу – Қазақстан құрамасының шілде айында Австралияның Квинсленд қаласында өтетін халықаралық математикалық олимпиадаға (IMO) дайындығындағы маңызды кезең. Мемлекетке жас таланттарды қолдағаны үшін, сондай-ақ ұстаздарыма және барлық жаттықтырушы командаға кәсіби дайындық үшін шын жүректен алғыс айтамын", – деді олимпиаданың күміс жүлдегері Марғұлан Шарел.

Сурет: Қазақстан Республикасының Оқу-ағарту министрлігі

Ұлттық құраманың жаттықтырушылары – Асылбек Исахов пен Мұхтар Қабақ.

Естеріңізге сала кетейік, бұл – қазақстандық оқушылардың екінші рекордтық нәтижесі. 2024 жылы да олар үздік үштіктен көрінген болатын.

Бұған дейін қазақстандық мектеп оқушылары FIRST Global Challenge ірі халықаралық робототехника олимпиадасында үшінші рет чемпион атағын жеңіп алғаны хабарланған болатын.