Еліміздің басты алаңында Ұлы Жеңістің 80 жылдығына арналған ауқымды әскери шеру басталды - тікелей көрсетілім

Астанада "Қазақ елі" алаңында Ұлы Жеңістің 80 жылдығына арналған әскери шеру басталды, деп хабарлайды Zakon.kz.

Салтанатты іс-шараның тікелей көрсетілімі Қазақстан Республикасы Президентінің баспасөз қызметінің ресми Youtube-арнасында қолжетімді. Шерудің тікелей эфирін еліміздің барлық облыс орталықтарында орнатылған республикалық телеарналар мен LED-экрандардан көруге болады.

Астана тұрғындары мен қала қонақтары шеруді қаладағы үш жерден тамашалай алады:

• ЕХРО аумағы (Түркістан және Ақмешіт көшелері жағынан кіру);
• қалалық алаң (Астана әкімдігі ғимаратының алдында);
• Б. Момышұлы даңғылы, 1, мекенжайы бойындағы "Astana Music Hall" тұрақ аумағы (Кувшин).

Шеруге Ұлы Отан соғысының ардагерлері, тыл еңбеккерлері, әскери іс-қимылдарының ардагерлері, ҚР Қарулы Күштерінің үздік бөлімшелері, Құрметті қарауыл роталары, ҚР Қарулы Күштерінің басқа да әскерлері мен әскери құралымдардың, әскери құқық қорғау органдарының ардагерлері шақырылды.

Іс-шараға Вьетнам Коммунистік партиясы Орталық Комитетінің Бас хатшысы То Лам да қатысады, ол Қазақстанда мемлекеттік сапармен жүр.