Заңсыз сатылған Қ. Сәтбаев атындағы ҚазҰТЗУ жатақханасы университетке қайтарылды

Түрксіб ауданының прокуратурасы "Қ. Сәтбаев атындағы Қазақ ұлттық техникалық зерттеу университеті" КЕАҚ мүлкін заңсыз иеліктен шығарылғанын анықтады, деп хабарлайды Zakon.kz.

Прокуратураның 2025 жылғы 21 мамырда таратқан ақпаратына сүйенсек, тұрғын-үй алаңының жетіспеушілігіне қарамастан, университеттің бұрынғы басшылығы тиісті тендер ұйымдастырмастан және өткізбестен жалпы ауданы 2500 м2 астам жатақхананы жеке ЖОО-ға заңсыз жалға пайдалануына берген.

Кейіннен мәміле жасасу кезінде қолданыстағы заңнама талаптарын бұза отырып ЖОО осы үй-жайды сатып алған.

"Соттардың заңды күшіне енген шешімдерімен, Түрксіб ауданы прокуратурасының талап-арызы бойынша даулы әкімшілік ғимараты ұлттық университетке қайтарылды",- делінген ақпаратта.

Бұған дейін Алматыда мопед жүргізушілеріне бақылау күшейтілгендігі хабарланған болатын.