Бір түнде Алматы тауларында бес адам адасып кетті

2025 жылғы 8 маусымға қараған түні Алматы мен Алматы облысының тауларында бес туристке құтқарушылардың көмегі қажет болды, деп хабарлайды Zakon.kz.

Саяхатшылардың екі тобы, олардың бірінде жасөспірімдер болған, бағыттарынан жаңылып, өз бетімен таудан түсе алмай қалған.

"Көкжайлау шатқалында (2 200 метр биіктікте) үш 17 жастағы жасөспірім жауын салдарынан таудан түсу кезінде адасып, 112 нөміріне хабарласқан. Геолокацияны алған соң ТЖМ Республикалық жедел-құтқару жасағының құтқарушылары оқиға орнына жедел жетіп, жаяу көтеріле бастаған. Көп ұзамай олар жасөспірімдерді тапты", - деп хабарлады ҚР ТЖМ баспасөз қызметі.

Оларға медициналық көмек қажет болмады. Құтқарушылардың бақылауымен олар сәтті төменге түсті.

Ал екінші жағдайда құтқарушылардың көмегі Алматы облысындағы туристерге қажет болды. Талғар ауданындағы "Орман ертегісі” таулы аймағында, "Пионер" лагерінің маңында екі адам жолдан адасқан.

Іздеуде болғандар таңертең ерте табылды. Құтқарушылар оларды таудан түсіріп, туыстарына тапсырды. Оларға да медициналық көмек қажет болмады.