Астаналық түлек ҰБТ-дан 140 балл жинады

Ұлттық бірыңғай тестілеудің (ҰБТ) қорытындысы бойынша Астанадағы дарынды қыздарға арналған "Білім-Инновация" мектеп-интернатының 11-сынып оқушысы Жанайым Рашит 140 ұпай жинады. Бұл туралы Zakon.kz сайтына елордалық білім басқармасының баспасөз қызметі хабарлады.

Оның ҰБТ-да негізгі пән ретінде "Дүниежүзі тарихы" мен "Ағылшын тілі" пәндерін таңдағаны белгілі.

Бойжеткен өз жоспарларын да жария етті: ол "Халықаралық қатынастар" факультетіне түсуді жоспарлап отыр.

Посмотреть эту публикацию в Instagram

Публикация от Астана қаласының Білім басқармасы (@bilimastana)

20 мамырда ҰБТ-дан ең жоғары 140 балды Түркістан облысынан келген талапкер Жәнібек Әбілхан да жинап, болашағын IT саласымен байланыстыруды жоспарлап отырғанын хабарлаған едік.

25 маусымда Ұлттық тестілеу орталығы талапкерлерге арналған маңызды мәлімдемені жариялады. Қазақстанның болашақ студенттеріне гранттық байқауға құжаттар 13-20 шілде аралығында қабылданатыны айтылды.