Ақмолалық екі жыл бойы жетімдерге берілетін пәтерде тұрып келген

Ақмола облысының прокуратурасы жетім балалардың тұрғын үй құқығын қорғады, деп хабаралайды Zakon.kz.

Ведомство қолданыстағы заңнамаға сәйкес жетім балалардың баспана алуға бірінші кезектегі құқығы бар екенін еске салды.

"Бүгінгі таңда прокуратура актілері бойынша 42 жетім бала мен ата-анасының қамқорлығынсыз қалған балалардың тұрғын үй құқықтары қалпына келтірілді. Пәтерлерді қайтару, кезектен заңсыз алу, тұрғын үй алуға өтінімдерді қабылдау және т. б. мәселелер бойынша шаралар қабылданды",- делінген ақпаратта.

Мәселен, облыс орталығында жетім бала өтінім беру кезінде ешқандай негізсіз кезекке қоюдан бас тартылды. Басқа жағдайда, аудан орталықтарының бірінде 2 жастағы жетім балаға арналған пәтерде бөгде адам тұрған.

"Қадағалау актісі бойынша жетім балалардың құқықтары қалпына келтірілді. Кінәлілер жазаланды".Ақмола облысы прокуратурасы

Бұған дейін Астанада 20 автобус бағытын өзгерткендігін жазғанбыз.