Қазгидромет жеті қала тұрғындарына ескерту жасады

Бүгін Қарағанды, Жезқазған, Теміртау, Ақтөбе, Алматы, Астана және Атырау қалаларында қолайсыз метеорологиялық жағдайлар күтіледі, деп хабарлайды Zakon.kz.

Бұл туралы "Қазгидромет" РМК ескертуінен белгілі болды:

"2025 жылғы 3 шілдеде Қарағанды, Жезқазған, Теміртау, Ақтөбе, Алматы, түнде Астана, Атырау қалаларында қолайсыз метеорологиялық жағдайлар күтіледі.

Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, әлсіз жел, тұман, инверсия) жиынтығы.

ҚМ жағдайында қала тұрғындарына ашық ауада, әсіресе тас жолдар немесе басқа ластаушы көздер жанында уақытты қысқартуға кеңес беріледі. Ал созылмалы өкпе, жүрек-қан тамырлары аурулары, аллергиялық аурулармен ауыратын адамдар далада жүргенде өздерімен бірге қажетті дәрі-дәрмектерді алып жүруі керек.