Астанадағы мейрамханалардың бірінде өрт шықты

2025 жылғы 3 шілдеде Астанадағы мейрамханалардың бірінде өрт шықты, деп хабарлайды Zakon.kz.

Бұл туралы ҚР Төтенше жағдайлар министрлігі мәлімдеді.

"Қазіргі уақытта елордалық өрт сөндірушілер Мәңгілік Ел даңғылы бойында, Есіл ауданында орналасқан мейрамхананың өртін сөндіру жұмыстарын жүргізіп жатыр. Оқиға орнына жоғарылатылған дәрежеде күштер жұмылдырылған", - делінген ведомство таратқан хабарламада.

Кейінірек нақтыланған мәліметтер бойынша мейрамхананың ас бөлмесінде қуырғышта май жанғаны анықталды.

Өрт сөндіру қатты түтінмен және жеке автокөліктер мен тар жолдармен қиындай түскен.

Зардап шеккендер туралы ақпарат 112-ге түскен жоқ.