Қазақстанда циклоннан кейін қатты аяз: жел күшейіп, көктайғақ болады

Алдағы күндері Қазақстан аумағы арқылы белсенді солтүстік-батыс циклоны өтеді. Бұл туралы 25–27 желтоқсанға арналған болжамды жариялаған "Қазгидромет" РМК синоптиктері ескертті, деп хабарлайды Zakon.kz.

Метеорологтардың мәліметінше, циклон қар алып келеді, ал оңтүстік өңірлерде жауын-шашын жаңбыр мен қар түрінде жауады.

26 желтоқсанда елдің оңтүстігі мен оңтүстік-шығысында әсіресе қатты жауын-шашын күтіледі.

Сондай-ақ республика бойынша боран соғып, жел күшейеді, ал батыс және оңтүстік өңірлерде көктайғақ болуы ықтимал.

Алайда 27 желтоқсанда циклонның орнын салқын батыс антициклоны басады.

Ол жауын-шашынның біртіндеп тоқтауына және ауа температурасының күрт төмендеуіне әкеледі:

• елдің солтүстік-батысы мен солтүстігінде түнгі уақытта ауа температурасы -25–30°С-қа дейін төмендейді;
• шығыс өңірлерде -22–30°С-қа дейін аяз болады.

Айта кетейік, бұған дейін Қазақстанда соңғы 54 жылда тіркелмеген температуралық рекорд жаңарғаны туралы да хабарлаған едік.