"Қорқып қалған": Алматы маңындағы тауда 17 жастағы жігіт 3680 метр биіктікте жалғыз қалған

Алматы қалалық Төтенше жағдайлар департаментінің (ТЖД) қызметкерлері қараңғыда тауда 3680 метр биіктікте жалғыз қалған жас жігітті құтқарды, деп хабарлайды Zakon.kz.

Құтқару операциясының мән-жайын 2026 жылғы 16 қазанда ҚР Төтенше жағдайлар министрлігінің баспасөз қызметі мәлімдеді.

"Өткен түні Қарасай ауданындағы Үлкен Алматы шыңы маңында, 3680 метр биіктікте Алматы қаласының Мониторинг және жедел әрекет ету орталығының құтқарушылары 2009 жылы туған туристі таудан түсіру операциясын жүргізді. Қараңғы түскендіктен, жас жігіт өз бетінше әрі қарай жүруге қорыққан. Онымен телефон арқылы байланыс орнатылып, географиялық координаттары құтқарушыларға берілді", – делінген хабарламада.

Құтқарушылар туристі "БАУ" бақылау-құтқару бекетіне аман-есен түсірді.

Ведомствоның мәліметінше, оған медициналық көмек қажет болмаған. Кейін турист үйіне өз бетінше қайтқан.

Посмотреть эту публикацию в Instagram

Публикация от Қазақстан Республикасы Төтенше жағдайлар министрлігі (@112kz_)

2026 жылғы 6 қазанда Алматы облысының тауларында екі жасөспірімнің адасып кеткені хабарланған еді. Олар Қарасай ауданындағы Үлкен Алматы шыңы маңында, 3680 метр биіктіктен төмен түсіп келе жатып, бағытынан жаңылған. Жасөспірімдерге құтқарушылар көмектесті.