Лас-Вегаста болашақты танытатын ғимарат бой көтерді
Сурет: видеодан алынды
Бұл туралы CNN хабарлайды.
Лас-Вегастағы MSG Sphere жаңа концерттік алаңында төбе көрсеткен үлкен сфералық экран сынақтан өткізілді.
Экранның биіктігі - 111,5 метр, ені - 158 метр және әлемдегі ең үлкен сфералық құрылымды танытады. Ондағы дисплей 1,2 миллион жарықдиодты шамдардан тұрады, олардың әрқайсысы хоккей шайбасының көлеміндей.
MSG Sphere концерт алаңының сынағы 4 шілдеде атап өтілетін АҚШ-тың Тәуелсіздік күніне орай жүзеге асырылды. Алаңның толыққанды ашылуы 2023 жылдың 29 қыркүйегіне жоспарланған. Жаңа сахнада бірінші болып U2 тобы өнер көрсетеді.
MSG Sphere жобасын Populous сәулет бюросы дайындаған. Оған 2,3 миллиард доллар жұмсалған. Жаңа стадионға 18 мыңға жуық адам сыяды.
Мұнда музыкалық концерттерден бөлек кино фильмдер көрсетілімдерін өткізуге болады. Ғимарат қабырғасындағы үлкен экраннан Даррен Аранофскийдің "Жерден жолданған әсем хаттар" атты жаңа фильмінің премьерасын көрсету жоспарланған.
