Жүргізуші куәлігінен айырылған Төреғали Төрәлі келіншегіне су жаңа көлік сыйлады

Төреғали Төрәлі, су жаңа көлік, тосын сый, Толқын

Сурет: видеодан алынды

Бұл тосын сыйдың видеосын әншінің қарындасы Фариза Төреғали әлеуметтік желідегі парақшасында бөлісті, деп хабарлайды Zakon.kz.

"...Әкем көлікті таңдарда біраз жүгірген ғой, салондағы қызметшілер "я тоже хочу такой қайын ата" депті (орфографиялық стилистика сол күйі сақталған - ред.) Жеңеше жаңа көлігіңіз құтты болсын! Ағабай екеуіңіздегі махаббат пен гармония, арадағы ыстық сезім оты еш өшпесін! Осындай бақытты күндеріміз көп болсын, әмин!" деп жазыпты видео сипаттамасына әншінің қарындасы.

Видеода келіншегіне тосын сый жасаған Төреғали Төрәлі өлеңмен де шашу шашты:

Толқын менің мән берген өміріме,

Құтты болсын айтайық көлігіне,

Анамды той-думанда алып жүрсін деп,

Ат мінгізіп жатырмыз келініне!

Айта кетсек, тарту етілген көліктің маркасы - Lexus.