Төреғали Төрәлі тағы сотталатын болды

Төреғали Төрәлі, сот отырысы, Алматы, сурет - Zakon.kz жаңалық 21.09.2023 20:19

Сурет: Instagram/toregalitoreali

Алматы қаласы Түркістан аудандық сотында әнші Төреғали Төрәлінің ісі қайта қаралып жатыр, деп хабарлайды Zakon.kz.

"Алматы қаласы Түркістан аудандық сотында Т. Әлихановқа қатысты (Төреғали Төреәлі) ҚР Қылмыстық кодексінің 378-бабы, 1-бөлігі, яғни қызметтік міндетін атқарушы билік өкілін қорлау бойынша қылмыстық іс қаралып жатыр", делінген сот хабарламасында.

Төреғали Төрәлі бүгінгі таңда әлеуметтік желіде белсенді. Әнші Instagram-дағы stories-те киіз үйде отырған сәтінің видеосын жүктеген. Видео сыртында: "Сіз маған сенің енді ешқандай мүмкіндігің жоқ, сенде Құдайға жолдаған дұға-тілектеріңнен басқа түгің де жоқ дегенсің. Мәжін, ал маған одан басқа түктің де керегі жоқ" деген Мұхаммед Әлидің сұқбатынан үзіндінің дауысы естіледі.

Айта кетсек, бұған дейін Төреғали Төреәлі Алматыда есірткіге мас күйде полицияға ұсталған болатын. Кейінірек әнші 20 тәулікке қамауға алынып, 7 жыл мерзімге көлік басқару құқығынан айырылды. Бірақ әншінің адвокаты оны ауруханаға жеткізілгенін хабарлаған. Даулы оқиғадан кейін Төреғали Төреәлі 18 шілдеде бостандыққа шықты.

Оқи отырыңыз