Amre "Интервидение" байқауынан кейін маңызды мәлімдеме жасады

Қазақстандық әнші Amre халықаралық "Интервидение-2025" байқауында қолдау көрсеткен барлық жанкүйерлеріне алғыс білдірді, деп хабарлайды Zakon.kz.

Әншінің айтуынша, бұл жобаға қатысу оның шығармашылық жолындағы маңызды қадам болған.

Посмотреть эту публикацию в Instagram

Публикация от Əmre (@amre_official)

"Мен өзіме сенімді болдым. Сенімдімін де. Әннің басында, жерде жатқанда, түтін қатты тұншықтырып жібергені болмаса, барлығы ойдағыдай болды",- деп жазды ол.

Оның сөзінше, оның жобаға қатысқандағы басты мақсаты Қазақстанның мәдениетін таныстырып, намысын қорғау болды.

Сондай-ақ, ол өзіне жоғары ұпай қойған қазыларға алғысын білдіріп, 1-ші орын алған Вьетнам халқын құттықтады. Ал қазақстандық әнші жоба қорытындысы бойынша 7-ші орынға тұрақтаған.

Посмотреть эту публикацию в Instagram

Публикация от Əmre (@amre_official)

Өз кезегінде әншінің жанкүйерлері қолдау білдірді:

• Ернартай, Әміре атамыздың ақ жолын беріп, әлемдік аренаны бағындыра бер. Түтін жұтып тұрып (жатып) ән шырқаудың қаншалықты қиын екенін біз білеміз. Сонда да жақсы өнер көрсеттің. Самғай бер.
• Әміре Сенің жетінші болып шыққаныңды күтіп, тыныс алмай десем де болады бастан аяқ қарадым, керемет орындау болды, жоғары деңгейде!
• Барлығы керемет! Сенің қатысқанын олар үшін дәреже. Ал біз үшін әрдайым жеңіс!Қазақтың мәдениетін, тереңдігін, жоғары деңгейде көрсеттің сөз жоқ!
• Әмре атамыздай бүкіл дүние жүзіне танымал бол. Бүркіттей қалықтап, қашанда биікте бол!

Бұған дейін Аида Балаеваның Әміреге қолдау білдіргенін жазғанбыз.