Қайрат Нұртастың қызы көпшілікке өкпесін айтып, хейтерлерге үн қатты

Қазақстанның танымал жұлдыздары Қайрат Нұртас пен Жұлдыз Әбдікәрімованың қызы Алау желіде көпшілікке назын білдіріп, ересектердің тарапынан қарша жауған хейттерге жауап қатты, деп хабарлайды Zakon.kz.

Бойжеткеннің айтуынша, оған көбіне 40-50 жастағы ересектердің тарапынан көңіліне тиетін ауыр сындар айтылады. Желідегі ағайын негізінен жасөспірімнің киімін, сырт келбетін сынға алатын көрінеді.

"Біз – өсіп келе жатқан ұрпақпыз. Бізді қолдау керек. Түсіну керек. Жол көрсету керек. Ал, сіздер бізді қорлайсыздар. Сынды "тәрбие" деп жасырасыздар. Есіңізде болсын: сөз – өте қауіпті қару. Сіздің қарапайым пікіріңіз біреу үшін – жара. Ұят – мен емес. Ұят – ересек адамның баланы кемсітуі. Ұят – жек көруді "тәрбие" деп атау",- деді бойжеткен.

Посмотреть эту публикацию в Instagram

Публикация от <3💗 (@kaalau__)

Жас блогердің бейнеүндеуіне желідегі ағайын пікір білдіріп, оның қолдаушылары да аз емес екенін жеткізді.

• Өте дұрыс айтасың Жанымау! Сен ол кісілерге ренжіп кішкентай жүрегіңді жаралап ауыртпа! Ол кісілер 50-60 жасқа дейін өзгермеген және өзгермейді! Тек жеңіл қабылдап үйрен.
• Дұрыс айттың жаным, осы "үлкендер" қашан есейеді екен?
• Ботасы ата-анаңды ғана тыңда!
• Алау, тек алға! Сен мықтысың!

Бұған дейін Amre наурыз айында жанкүйерлерін қуантпақ екенін жазғанбыз.