Қызылорда облысында боранда жасөспірім жоғалып кетті

Қызылорда облысының ПД

Жасөспірімді іздеу үшін тек полиция қызметкерлері ғана емес, ауыл тұрғындары да жұмылдырылды.

Қызылорда облысында полиция бір күн бойы іздеген жасөспірім табылды, деп хабарлайды Zakon.kz.

Облыстық полицияның мәліметінше, 16 қараша күні таңертең 12 жастағы жас жігіт қой жаю үшін жайылымға кеткен. Біраз уақыт өтсе де, үйге келмеген баласына алаңдап, әкесі полицияға жүгінген.

Жасөспірімді іздеу үшін тек полиция қызметкерлері ғана емес, ауыл тұрғындары да жұмылдырылды.

17 қарашада сағат 11.20-да аудан орталығынан 210 шақырым, жайылымнан 15 шақырым жерде жасөспірім жартастан табылды. Сондай-ақ жоғалған мал да сол жақтан табылды, - деді облыстық ПД бастығы полиция полковнигі Сұлтан Бекторе.

Қазіргі уақытта жасөспірім ата-анасының қасында. Денсаулығы да жақсы. Полицейлер жасөспірімнің ата-анасымен профилактикалық жұмыс жүргізіп, оқиғаның мән-жайын анықтап жатыр.

Дайана Тоқберген

Оқи отырыңыз