Алматыда жап-жас жігіт егде әйелді ұрып, тонап кетті

Сурет: Zakon.kz

Жүргізілген жедел-іздестіру іс-шараларының барысында сол күні күдікті қамауға алынды

Алматыда 20 жастағы жігіт қарт әйелді тонап кетті, деп хабарлайды Zakon.kz.

Polisia.kz хабарлауынша, оқиға таңертең Марков пен Тимирязев көшелерінің қиылысында болған. О.есімді азамат өтіп бара жатқан адамның жеке мүлкін күш қолданып, ұрлап кеткен.

Мас жігітте қылмыстық жоспар бірден пайда болды. Ешкім байқамай тұрған сәтте ол жәбірленушінің жанына жүгіріп келіп, иығынан ұрды. Әйел құлаған соң, оны тағы ұрып-соғып, сосын қолынан ақша мен ұялы телефон салынған сөмкесін жұлып алып, қашып кеткен. Жәбірленуші бірден полицияға жүгінді, бұл дұрыс шешім болды. Жүргізілген жедел-іздестіру іс-шараларының барысында сол күні күдікті қамауға алынды. Ол ұрлық жасағанын мойындады. Қазіргі уақытта ұсталған азаматтың жалпы Алматы қаласында бұрын жасалған осыған ұқсас қылмыстарға қатысы бар-жоғы тексерілуде. Қылмыстық іс ҚР ҚК-нің 191-бабы 2-бөлімінің 1-тармағы бойынша тергелуде.Бостандық аудандық ПБ жанындағы полиция бөлімінің бастығы Ғалым Қасымбаев.