Қаңтар оқиғасы кезінде қанша қару тәркіленді – ҰҚК есеп берді
![ҚР ҰҚК, қару, қаңтар оқиғасы, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-8a43f0e4-6017-47c0-b0fa-1fdfe6d73642/800x451.webp)
ҰҚК таратқан мәлімет бойынша, Шымкент және Тараз қалаларында қылмыстық топтар қолға түсіп, олардан 3 тапанша, 2 дана ойық ұңғылы «Сайга» карабині, 2 мылтық, пневматикалық тапанша, винтовка, сондай-ақ 64 дана оқ-дәрі тәркіленді.
![ҚР ҰҚК, қаңтар оқиғасы, қару, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-fa487d83-7492-4c88-8ab8-755a8f02d390/800x451.webp)
Сурет: ҚР ҰҚК баспасөз қызметі
Шымкент қаласында Алматыдағы «Kamerad» аңшылық дүкенін тонауға қатысы бар тұрғындар ұсталды. Олардың тұрғылықты жерінен 2 дана ойық ұңғылы «Сайга-12С» карабині, пневматикалық қару және 71 дана оқ-дәрі табылды.
Оған қоса, қала маңынан «Калашников» автоматы, 2 тапанша, аңшы мылтығы, «Ф-1» гранатасы, жарылғыш құрылғыларға арналған 8 детонатор және 43 дана оқ-дәрі жасырылған жер анықталды.ҚР ҰҚК баспасөз қызметі
Тараз қаласында 2 «Калашников» автоматы, 10 тапанша, «SHTURM» шабуыл винтовкасы, 3 тегіс ұңғылы мылтық, граната және 476 дана оқ-дәрі жасырылған жерлер табылды.
![Қару, ҚР ҰҚК, қаңтар оқиғасы, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-bec14493-1dbe-45e9-9b46-cd1968424e05/800x451.webp)
Сурет: ҚР ҰҚК баспасөз қызметі
Алматы облысында жасырын жерден «Калашников» автоматы, 4 тапанша, 8 тегіс ұңғылы мылтық, «шолақ мылтық», 12 граната, 464 дана оқ-дәрі және оптикалақ көздеу құралы табылды.
![ҚР ҰҚК, қару, қаңтар оқиғасы, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-51586117-502b-4340-bc13-4427a4f9b50f/800x451.webp)
Сурет: ҚР ҰҚК баспасөз қызметі
Талғар ауданының тұрғындары 2 «Калашников» автоматын, тегіс ұңғылы мылтық, «Ф-1» гранатасын және 180 дана оқ-дәріні заңсыз сақтағандары үшін ұсталды.
Алматыдағы жасырын орыннан 2 «Калашников» автоматы, 2 винчестер, 5 тапанша, 5 тегіс ұңғылы мылтық, «шолақ мылтық», 20 граната және 212 оқ-дәрі алынды.
![Алматы, қару, қаңтар оқиғасы, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-a32a5f57-82bb-47aa-b7fe-5a54c9c51c4a/800x451.webp)
Сурет: ҚР ҰҚК баспасөз қызметі
Шығыс-Қазақстан облысындағы жасырын жерден «ТОЗ» маркалы аңшы мылтығы, 2 «шолақ мылтық» және 13 дана оқ-дәрі алынды.
Ақтөбе облысы тұрғынының жеке автокөлігін тексеру кезінде аңшы мылтығы мен 6 оқ табылып, тәркіленді.
![Қару, қаңтар, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-82d55afb-4419-4fbd-ad89-9073808645f4/800x451.webp)
Сурет: ҚР ҰҚК баспасөз қызметі
Қызылорда облысы тұрғынынан Алматыдағы «Kamerad» аңшылық дүкенінен ұрланған «Derya» MK-10 винтовкасы алынды.
Түркістан облысында револьвер, тегіс ұңғылы мылтық және граната алынды.
![Қару, қаңтар оқиғасы, сурет - Zakon.kz жаңалық 15.07.2022 13:35](https://kaz.zakon.kz/pbi/WEBP/2023-12-20/file-284fc632-6214-428d-a7c6-0f96674494ef/800x451.webp)
Сурет: ҚР ҰҚК баспасөз қызметі
Заңсыз айналымнан барлығы: 68 бірлік қару, 36 граната, 8 жарылғыш құрылғы, 1 529 дана оқ-дәрі алынды. Заңсыз айналымдағы қару-жарақтарды іздестіру және алу бойынша шаралар жалғасып жатыр.ҚР ҰҚК баспасөз қызметі
Бұл фактілер бойынша сотқа дейінгі тергеу жүргізілуде.