Хакерлер Қазнетке шабуыл жасады

Қазнет, хакер, кибершабуыл, сурет - Zakon.kz жаңалық 28.09.2022 13:18

Сурет: freepik

Интернеттің қазақстандық сегментіне бірнеше күннен бері кибершабуыл жасалып жатыр. Бұл жөнінде 28 қыркүйекте "Мемлекеттік техникалық қызмет" АҚ мәлімдеді, деп хабарлайды Zakon.kz тілшісі.

Мақсатты кибершабуылдар елдің мемлекеттік органдарына да, Қазнеттің инфрақұрылымына да бағытталған. Кибершабуыл салдарынан интернет байланысында іркіліс болып жатыр. "Мемлекеттік техникалық қызмет" АҚ

"Мемлекеттік техникалық қызмет" АҚ ұзақ мерзімді кибершабуылдар елде және әлемде болып жатқан әлеуметтік оқиғалармен байланысты деп болжап отыр.

Қыркүйектің 28-і күні таңертең қазақстандықтар интернеттегі ақауға шағымданды. Редакция тілшісі түсініктеме алу үшін байланыс операторларының баспасөз қызметіне хабарласты. Олар қалыпты жұмыс істей бастағанын айтты.

Алматы және Атырау әуежайларындағы интернет істемей қалғандықтан, жолаушыларды қолмен тіркеген, соның салдарынан рейстер кешігіп ұшты.

25 қыркүйекте Мемлекеттік техникалық қызмет интернеттің қазақстандық сегментіндегі ауқымды DDoS-шабуылдардың тіркелгені туралы хабарлады.

Оқи отырыңыз