Ақтөбе облысында мал іздеуге шығып, жоғалып кеткен бозбала табылды

Сурет: Zakon.kz

7 қазанда сағат 19:49-да Мартөк аудандық 15-ӨСБ-нің қашықтан басқару пультіне 18 жасар жігіт сағат 14:30-да мотоциклмен мал іздеуге шығып, содан үйіне оралмағаны туралы хабарлама келіп түсті, деп хабарлайды Zakon.kz.

Ауданның төтенше жағдайлар бөлімінің үш қызметкері, сондай-ақ аудандық полиция бөлімінің 10 адамы және 5 техника, 10 ерікті, жергілікті атқарушы органның 5 өкілі және 35 жергілікті тұрғын шұғыл түрде жолға шықты.

Іздеу шарасы күннің қараңғы болуына байланысты сағат 23:45-те тоқтатылып, таңғы 8:30-да қайта жалғасты. Іздеу жұмыстарын жүргізу барысында 8 қазанда сағат 10:05-те дронның көмегімен Мәртөк ауылынан 10 шақырым қашықтықтағы Жаңатаң ауылы маңындағы теміржолға қарама-қарсы орман аумағынан жоғалған азамат табылды. Ақтөбе облысы ТЖД баспасөз қызметі

Жігіт есін біледі, бірақ іші қатты ауырғандықтан орнынан қозғала алмаған.

Оқи отырыңыз