Желідегілер Түркиядағы ерекше бұлт пен жер сілкінісін байланыстырып, айран-асыр
Сурет: Anadolu Agency
Әлеуметтік желі қолданушылары Түркияда "өткен аптада" аспанда байқалған ерекше пішінді бұлттың суретін жаппай таратуда. Жазба авторының пікірінше, 2023 жылдың 6 ақпанында орын алған жер сілкінісіне осы түрткі болған болуы мүмкін, деп хабарлайды Zakon.kz.
Жазбада ешқандай дәлел жоқ, деп хабарлайды stopfake.kz.
Шын мәнінде, суретте көрсетілген бұлт Түркияда 2023 жылғы 19 қаңтарда байқалған. Бұл - линза тәрізді немесе лентикулярлық бұлт. Ол ауа толқындарының қатпарларында пайда болады. Бұлт Түркияның Бұрса қаласында қалыптасқан, онда ауа температурасы бір күн бұрын Цельсий бойынша 26 градусқа дейін көтерілген.
"Әдетте, мұндай бұлттар жер сілкінісінің емес, жауын-шашынның болатынын білдіреді. Мысалы, бұған дейін Ресей мен АҚШ тұрғындары лентикулярлық бұлттар туралы хабарлаған, бірақ одан кейін жер сілкінісі болған жоқ", делінген хабарламада.
Сурет: Anadolu Agency
Бұқаралық ақпарат құралдарының хабарлауынша, ерекше бұлт көрініс тапқан қала елдің жер сілкінісі болмаған бөлігінде орналасқан. Сарапшылар 2023 жылғы 19 қаңтарда лентикулярлық бұлттың пайда болуы 5-6 ақпанға қараған түні басталған жер сілкінісіне ешқандай қатысы жоқ екенін, бұл кездейсоқ болған жағдай екенін айтады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
