Түркістан облысында кәмелетке толмаған қызды өлтірді деген күдікті ұсталды

Түркістан облысының полицейлері Ордабасы ауданындағы суару каналынан мәйіті табылған қызды өлтірді деген күдіктіні анықтады, деп хабарлайды Zakon.kz.

Полиция күдіктіні анықтау 9 сәуірде мүмкін болғанын нақтылайды.

"Күдікті -11 сынып оқушысы. Ол полиция бөліміне жеткізіліп, қамауға алынды. Аталған жайтқа байланысты ҚР ҚК-нің 99-бабы 2-бөлігі “Адам өлтіру” бойынша сотқа дейінгі тергеу жүргізілуде. Сот-медициналық сараптамасы тағайындалды". Түркістан облысы ПД

Тергеу ісі Түркістан облысы полиция департаменті басшылығының жеке бақылауына алынғанын баса айта кетелік.

Айта кетсек, 30 наурызда Түркістан облысында жоғалып кеткен бесінші сынып оқушысының денесі табылғаны хабарланған болатын.