Астанада "Шарын" базары артындағы территорияда алапат өрт болды

25 сәуірде сағат 13:29-да "Шарын" базарының артында орналасқан 40 тонналық контейнерлер өртеніп жатқаны туралы келіп түскен хабарламаға сәйкес, Астана қаласы ТЖД Өрт сөндіру бөлімшелері оқиға орнына аттанды, деп хабарлайды Zakon.kz.

Өрт сөндірушілер оқиға орнына келіп жеткенде ашық аумақта қоқыс пен 40 тонналық төрт контейнер өртеніп жатқаны анықталды.

"Өртті сөндіру барысында үш контейнерде тау болып үйілген макулатура және кеңсе бөлмесіне ретінде жасалған тағы бір контейнерде жиһаз жанғаны анықталды. Өрттің жалпы ауданы 180 шаршы метрді құрады". Астана қаласы ТЖД баспасөз қызметі

Өрт сөндірушілердің күшімен өрт 14:01-де оқшауланып, 16:43-те толығымен жойылды.

Құрбандар мен зардап шеккендер жоқ.

Өртті сөндіруге жеке құрамның 8 адамы және қалалық ТЖД-ның үш техникасы жұмылдырылды.