Ақтөбе облысындағы газ өңдеу зауытында шыққан өрт сөндірілді

Жаңажол кен орнының «СНПС-Ақтөбемұнайгаз» газ өңдеу зауытындағы өрт толығымен жойылды, деп хабарлайды Zakon.kz.

Ақтөбе облысы әкімдігінің баспасөз қызметінің хабарлауынша, 2 мамырда жергілікті уақыт бойынша 06:20-да жалын толығымен сөндірілді.

Өрт бұрнағы кеше сағат 15:55-те газ өңдеу зауытының жеңіл көмірсутегін өндіру цехында басталған. Кәсіпорынның төрт қызметкері ауыр жарақат алды. Олардың барлығы күйік шалып, ауруханаға жеткізілді.