СІМ Қазақстан азаматы Жанбота Төлегеннің өліміне қатысты ақпарат берді

Қазақстан азаматы Жанбота Төлегеннің Грузияда өлтірілуіне қатысты ақпаратында СІМ Азаматымыз Грузияда жеке сапармен болғанын, оның кәсіби қызметіне еш қатысы жоқ екенін айтты.

"Грузияда Қазақстан азаматының өлтірілгені туралы ақпаратты растаймыз. Осы жылдың 24 мамыры Тбилисидегі ҚР елшілігіне Телави қаласының құқық қорғау органдарынан Қазақстан Республикасы азаматының өлтірілгені туралы ақпарат келіп түсті. Күдікті қамауға алынып, тергеу амалы жүргізіліп жатыр. Тергеу мүддесі үшін кісі өлтіру дерегі мен күдіктінің жеке басы айтылмады". ҚР Сыртқы істер министрлігі

Марқұм болған азаматтың денесі туған еліне жеткізіліп, 2 маусымда жерленген.

"Қазақстанның Грузиядағы консулы жергілікті құқық қорғау органдарымен тұрақты байланыста болып, бұл мәселені бақылауда ұстайды" деп қосты министрлік.

Бұған дейін Грузия полициясы Қазақстан журналисі өлтірілгені туралы деректерді жариялаған еді.

Жанбота Төлегеннің із-түзсіз жоғалып кеткенін бұған дейін әріптесі әрі журналист Нәзира Дәрімбет хабарлаған. Нәзираның айтуынша, ол соңғы рет WhatsApp желісінде әріптесімен 19 мамырда сөйлескен. Содан кейін Жанбота Төлеген хабарласпай кеткен.

Оқи отырыңыз

Павлодарда автобус аялдамасы маңында бір бойжеткенді көлік қағып кетті

22:56, 26 шілде 2024

Қызылорда облысында сирек кездесетін жыртқыш аң - қара құлақты қаскөйлер атып тастаған

19:45, 26 шілде 2024

LEGO брендімен қауіпті контрафактілік ойыншықтардың сатылымына тосқауыл қойылды

16:21, 26 шілде 2024