Қостанайда коммуналдық қызметтің қызметкерлері адам сүйектерін тауып алды

Қостанайлық полицейлер коммуналдық қызметтер тапқан адам сүйектерінің жеке басын анықтап жатыр, деп хабарлайды Zakon.kz.

Полицияға хабарлама сағат 14:30-да келіп түскен. Қаңқаларды Мәуленов - Дощанов көшелерінің қиылысындағы құбырларды ауыстыру кезінде КЖЭК қызметкерлері тапқан.

"Қажетті тергеу әрекеттері жүргізіліп жатыр. Тиісті сараптамалар тағайындалды, оның қорытындысы бойынша процессуалдық шешім қабылданады", - делінген Қостанай облысы Полиция департаментінің баспасөз қызметінің хабарламасында

Айта кетейік, сәуір айында Көкшетау зиратынан адам сүйегі салынған пакет табылған еді.