Қарағандыда колонияға есірткіні шоколад ішіне жасырып өткізбек болған ер адам ұсталды

Қарағанды облысы, колония, есірткі, сәлемдеме, шоколад, сурет - Zakon.kz жаңалық 30.11.2023 01:48

Сурет: polisia.kz

Қарағанды облысында сотталғандардың біріне жіберілген сәлемдемедегі шоколад ішінен есірткі табылды, деп хабарлайды Zakon.kz.

Сәлемдемемен қоса жіберілген 10 кәмпиттің ішінен ерекше иісі бар өсімдік тектес жасыл түсті зат табылған.

Тұтқынның айтуынша, пакетті оған жақында түрмеден шыққан досы жіберген.

"Бұл факті бойынша Қазақстан Республикасы Қылмыстық кодексінің 297-бабының 1-бөлігі (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша қылмыстық іс қозғалды, бұл бапта мүлкi тәркiленiп, бес жылдан он жылға дейiнгi мерзiмге бас бостандығынан айыру жазасы қарасрытылған", – дейді мекеме басшысы Игорь Бендерский.

Жақында Астанада сотталушы түрмеде қылмыс жасап, үстіне тағы бір бап "жамап" алды.

Оқи отырыңыз