Астанада қалалық жедел жәрдем станциясының басшысы қамауға алынды

Астананың мамандандырылған ауданаралық тергеу соты қалалық жедел медициналық жәрдем станциясының басшысы Мұрат Оразбаевты қамауға алу жөнінде санкция берді, деп хабарлайды Zakon.kz.

Бұл жөнінде елордалық соттың баспасөз қызметі мәлім етті:

"2023 жылғы 6 желтоқсанда Астана қаласының мамандандырылған ауданаралық тергеу соты күдікке ілінген "Қалалық жедел медициналық жәрдем станциясы" МКК басшысына қатысты екі ай мерзімге қамауға алу түріндегі бұлтартпау шарасын санкциялады".

2023 жылғы 5 желтоқсанда әлеуметтік желілерде Астана қалалық жедел жәрдем станциясының директоры Мұрат Оразбаев ұрлық жасады деген күдікпен ұсталғаны жайында ақпарат тарады.