Кентауда жылу қашан толық қалпына келеді

Сурет: pexels

ҚР Энергетика министрлігінің мәліметінше, Кентаудағы жылу электр орталығындағы апаттардан кейін жылу беру қалпына келіп жатыр. Кентауда 21 желтоқсанда температураны қалыпты деңгейге дейін көтеру жоспарланып отыр. Қостанайда 20 желтоқсан күні кешке жылу жүйесіндегі іркіліс қалпына келеді.

Бір күн бұрын Кентауда дауылды желдің салдарынан электр қуатының үзілуі тіркелді. Бұл сәйкесінше жылумен жабдықтаудың кейбір бұзылуына әкелді. Бүгінде электрмен жабдықтау толығымен қалпына келтірілді.

"Кентау ЖЭО-да үш қазандық жұмыс істейді. Ертең, 21 желтоқсанда 4-қазандық жұмысқа қосылады. Қазір көшедегі температура -4С. Жылу беру 60С нормативімен 56С-қа тең. Бейсенбіде температура 60С-қа жеткізіледі". Энергетика министрлігі

Ал Қостанайда қала әкімінің ақпаратының мәліметінше, бүгінде қалада магистральдық жылу желісіндегі кішігірім іркілісті жөндеу жұмысы істеліп жатыр. Жұмыс бүгін сағат 17.00-ге дейін аяқталады. Әкімдіктің хабарлауынша, бұл жұмыстар қала тұрғындарын жылумен қамтамасыз етуге әсер етпейді.

Оқи отырыңыз