Алматыда көлік жөндейтін орталықтың ғимаратынан өрт шықты
Сурет: Алматы қалалық ТЖД баспасөз қызметі
Алматыда 25 желтоқсанда сағат 22:50-де өрт сөндіру бөлімі Рысқұлов даңғылында отқа оранған көлік жөндеу орталығы ғимаратына аттанды, деп хабарлайды Zakon.kz.
Қалалық ТЖД баспасөз қызметінің мәліметінше, оқиға орнына жеткен өрт сөндірушілер бір қабатты ғимараттағы көлік бояуға арналған бөлменің төбесі өртеніп жатқанын анықтады. От 10 шаршы метрді аумақты қамтыған. Өрт сағат 23:12-де ауыздықталып, 23:19-да толықтай сөндірілді.
Бұған дейін қызметтік борышын өтеу кезінде екі қабатты жеке үйдің шатырын шарпыған өртті сөндіру барысында 19-МӨСБ бөлімшесінің командирі, азаматтық қорғау аға сержанты Уәли Әділет Аянұлының қаза тапқаны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
