Таразда жолаушылар автобусы өртенді

26 наурызда Тараз қаласында жолаушылар автобусы түгі қалмай өртеніп кетті. Төтеншеліктер құрбан болғандар мен зардап шеккендер жоқ екенін нақтылайды, деп хабарлайды Zakon.kz.

2024 жылы 26 наурызда сағат 17:43-те Жамбыл облысы ТЖД күштер мен құралдарды жедел басқару орталығының телефонына Тараз қаласы, Мәмбет батыр көшесінің бойында жолаушылар автобусының өртеніп жатқаны туралы хабарлама келіп түскен.

"Оқиға орнына жергелікті ТЖ жөніндегі департаменттің жеке құрамынан 16 адам және 4 бірлік техника шұғыл аттанды. Өрт сөндірушілердің күшімен от сағат 18:00-де ауыздықталып, 18:06-да толығымен жойылды. Зардап шеккендер мен қаза болғандар жоқ". Жамбыл облысы ТЖД баспасөз қызметі

Өрттің шығу себебі анықталу үстінде.

Посмотреть эту публикацию в Instagram

Публикация от @kris.p.taraz +21TARAZ🇰🇿🚔🔝 (@kris.p.taraz)

Айта кетсек, 25 наурызда Семейде үй өртеніп, екі адам құтқарылды.