Алматы облысының таулы аймағында қар көшкіні түсіп, жолды жауып қалды

Алматы облысында қар көшкіні болды, сурет - Zakon.kz жаңалық 02.04.2024 10:36

Сурет: Telegram/qazavtojol

Алматы облысының таулы аймақтарында өздігінен қар көшкіні жүріп, жолды жауып тастады. Бұл туралы 2024 жылғы 2 сәуірде ҚР Төтенше жағдайлар министрлігі (ТЖМ) айтты, деп хабарлайды Zakon.kz.

Тексеру жүргізу кезінде "Қазселденқорғау" мамандары Алматы облысы "Түрген – Батан"ауылы автожолының 23,4 шақырымында қар көшкіні болғанын анықтады. Өздігінен қар көшкінінің көлемі 187,5 м3 құрады.

"Өздігінен жауған қар көшкінінің көлемі 187,5 текше метрді құрады. Қар көшкінінің түсу себебі температураның жоғарылауы және таулардың баурайындағы қар жамылғысының едәуір қоры. Зардап шеккендер мен қиратулар жоқ. Қар көшкіні Түрген-Батан автожолын жауып тастады. Автожолды тазалау жұмыстарын ЖАО жүргізуде, - делінген хабарламада.

Төтенше жағдайлар министрлігі жолды тазарту жұмыстарын жергілікті атқарушы органдар жүргізіп жатқанын атап өтті.

"Алматы облысының таулы аймақтарында қар көшкіні жүру қаупі бар! Алдағы күндері тауда жаяу жүруден бас тартуға кеңес береміз!" Қазақстан Республикасы Төтенше жағдайлар министрлігінің баспасөз қызметі

2024 жылдың 31 наурызында "Шымбұлақ" тау-шаңғы курорты аймағында №17 қар көшкінін қабылдау пунктінде (Эдельвейс) өздігінен қар көшкіні жүріп, жолды басып қалды.

Оқи отырыңыз